Rusiyanın Ukraynaya qarşı "Oreşnik" ballistik raketindən istifadəsi, Lvov bölgəsinə zərbəsi Avropa Birliyi ölkələrinə açıq təhlükədir. Bu, Avropa paytaxtları üçün ortaq problem yaradır.

Axar.az xəbər verir ki, bunu Ukrayna Prezidenti Vladimir Zelenski axşam çıxışında deyib.

Prezident bildirib ki, Rusiya "Oreşnik" raketi ilə Avropa Birliyi ölkələrinin sərhədlərinə yaxın əraziyə hücum edib:

“Ortamənzilli ballistik raketlərin istifadəsini nəzərə alsaq, bu, Varşava, Buxarest, Budapeşt və bir çox digər paytaxtlar üçün ortaq bir problem yaradır.

Hər kəs eyni şeyi başa düşməli və buna eyni dərəcədə ciddi yanaşmalıdır: əgər ruslar bu cür silahlardan istifadə etmək üçün ağlabatan bir səbəb tapmağa çalışmasalar, şəxsi əlaqələr və ya hər hansı bir ritorika bunu ört-basdır etməyəcək. Birgə fəaliyyət sistemi, həqiqətən təsirli bir müdafiə sistemi olmalıdır".

Qeyd edək ki, bundan öncə Ukrayna hökuməti Polşaya Rusiyanın "Oreşnik"lə hücum edə biləcəyi xəbərdarlığını edib.