Yaxın vaxtlarda “Oreşnik” raketləri ilə hücumlar olmayacaq.

Axar.az xəbər verir ki, bunu ukraynalı aviasiya eksperti Valeri Romanenko bildirib.

O, sözügedən məlumatı Kirill Budanovdan (Ukrayna Müdafiə Nazirliyinin Baş Kəşfiyyat İdarəsinin sabiq rəisi, Ukrayna Prezident Ofisinin yeni rəhbəri – red.) aldığını söyləyib:

“Düşünürəm, onun əlində müvafiq məlumat var, o, ixtisaslı insandır”.

Ekspertin fikrincə, ruslar bu raketi bir müddətlik saxlayacaqlar, çünki onlara hər hansı danışıqlar ərəfəsində yenidən “qorxutmaq” lazım olacaq.

O bildirib ki, bu raket eksperimental nümunədir və istehsalı tək-tək (məhdud sayda) həyata keçirilir. Buna görə də komplekslərin qoşunlara verilməsi ilə bağlı açıqlamalara baxmayaraq, yaxın vaxtlarda onların tətbiqi ehtimalı azdır.

Qeyd edək ki, yanvarın 8-dən 9-na keçən gecə Rusiya ordusu Ukraynanın Lvov şəhərinə "Oreşnik"lə zərbələr endirib.