İranın devrilmiş şahının ABŞ-da yaşayan oğlu Rza Pəhləvi şənbə günü iranlıları şəhər mərkəzlərini ələ keçirmək və saxlamaq üçün daha məqsədyönlü etirazlara çağırıb.

Axar.az xəbər verir ki, bu barədə “Röyters” məlumat yayıb.

“Məqsədimiz artıq küçələrə çıxmaq deyil. Məqsəd şəhər mərkəzlərini ələ keçirmək və saxlamaq üçün hazırlıq görməkdir”, - o, videomüraciətdə bildirib.

O, həmçinin şənbə və bazar günləri daha çox etiraz aksiyalarına çağırıb və əlavə edib ki, çox yaxın olduğuna inandığı bir gündə vətənə qayıtmağa hazırlaşır.

Qeyd edək ki, iqtisadi vəziyyətə görə İranda başlayan kütləvi aksiyalar Rza Pəhləvinin aktivləşməsinə səbəb olub. O, Qərbi inandırmağa çalışır ki, guya İranda böyük əksəriyyət onun tərəfdarıdır.