MDB Elektrik Enerjisi Şurası Birliyin yanacaq-enerji kompleksinin 2050-ci ilə qədər inkişafı üçün strategiya layihəsi hazırlayır.

Axar.az xəbər verir ki, bunu MDB-nin baş katibi Sergey Lebedev deyib.

“Sənayenin inkişafı üçün əlavə mexanizmlər hazırlamaq, yanacaq-enerji kompleksinə təsir edən və əlaqələndirilmiş səylər tələb edən çağırışlara effektiv şəkildə cavab vermək məqsədilə MDB Elektrik Enerjisi Şurası MDB dövlətlərinin yanacaq-enerji kompleksinin 2050-ci ilə qədər inkişafı strategiyasının layihəsini hazırlayır”, - o bildirib.

Enerji sabitliyindən danışan Lebedev vurğulayıb ki, MDB ölkələri enerji təhlükəsizliyinin təmin edilməsini öz dövlət siyasətinin prioritetlərindən biri və bu sahədə əsas əməkdaşlıq sahəsi hesab edir.