Rusiyanın atəşkəsi pozacağı təqdirdə Ukrayna birgə hərbi cavab barədə ABŞ və Avropa ilə razılığa gəlib.

Axar.az xəbər verir ki, bu barədə “Faynənşl Tayms” məlumat yayıb.

Nəşrin məlumatına görə, plan üç mərhələyə bölünür:

- Atəşkəs rejiminin pozulmasından 24 saat sonra diplomatik xəbərdarlıq göndərilir və Ukrayna ordusu atəşkəs pozuntusunun qarşısını almaq üçün tədbirlər görür;

- Döyüşlər davam edərsə, “İstəklilər koalisiyası” - AB ölkələri, Böyük Britaniya, Norveç, İslandiya və Türkiyənin iştirakı ilə genişmiqyaslı cavab tədbirlərinə başlanacaq;

- Pozuntu ilk hücumdan sonra 72 saat ərzində işğala keçərsə, AB və ABŞ-ın hərbi reaksiyası əlaqələndiriləcək: Avropa mühafizə qüvvələri ABŞ-ın kəşfiyyat və logistika dəstəyi ilə atəşkəsdən sonra hava, dəniz və quru əməliyyatlarını təmin edəcək.

Qeyd olunub ki, Ukrayna, ABŞ və Avropa ölkələri artıq bu dəstək planı ilə bağlı razılığa gəlib.