Ukraynadakı müharibə bitərsə, Rusiyadan NATO-nun şərq cinahına təhdid daha da güclənə bilər.

Axar.az xəbər verir ki, bu sözləri alman diplomat, Münhen Təhlükəsizlik Konfransının rəhbəri Volfqanq İşinqer deyib.

İşinqer əlavə edib ki, ruslar hazırda həftədə minlərlə əsgər itirdikləri Ukraynaya qarşı döyüşməyə diqqət yetirirlər:

“Ukraynada atəşkəs əldə edildikdən sonra vəziyyət dəyişəcək. Bu halda Vladimir Putin sülh dövründə yenidən silahlanmaya davam edə biləcək və şərq cinahında NATO ölkələrinə təhlükə artacaq".

O bildirib ki, Ukraynada atəşkəs Almaniya üçün də daha böyük təhlükə yaradacaq.

İşinqer hesab edir ki, gələcək atəşkəs Rusiyanın qərbindəki hərbi mövcudluğunun əhəmiyyətli dərəcədə azaldılması ilə müşayiət olunmalıdır, lakin Moskvanın bununla razılaşması ehtimalı azdır.