Mən bir neçə dəfə açıq şəkildə eşitmişəm ki, Rusiya tərəfi məni Moskvaya dəvət edib.

Axar.az xəbər verir ki, bunu Ukrayna Prezidenti Vladimir Zelenski deyib.

“Düzdür, məncə, onlar şəxsən məni dəvət ediblər. Mən buna reaksiya vermişəm. Biz dövlətimizi müdafiə edirik və bizə Rusiya hücum edib. Onlar bu müharibədə təcavüzkardırlar. Mən bu müharibədə təcavüzkar olan ölkənin paytaxtı Moskvaya Putinlə danışıqlara gedə bilmərəm”, – deyə Zelenski vurğulayıb.

Qeyd edək ki, daha öncə də Zelenski açıqlamasında Putinlə görüşə hazır olduğunu, lakin görüşün Rusiya və ya Belarusda keçirilməsinin mümkünsüzlüyünü bəyan edib.