Amerikalı milyader İlon Maska məxsus X sosial media platforması bəzi İran rəsmilərinin hesablarından "mavi təsdiq nişanları"nı silib.

Axar.az xəbər verir ki, bu barədə “Haber7” məlumat yayıb.

Bildirilib ki, mavi nişanları silinən hesablar arasında İranın xarici işlər naziri Abbas Arakçı, məhkəmə sisteminin rəhbəri Qulamhüseyn Möhsəni Ejei və Ali Milli Təhlükəsizlik Şurasının baş katibi Əli Laricaninin hesabı da var.

X hələlik məsələ ilə bağlı şərh verməyib.

Qeyd edək ki, ABŞ-ın İrana qarşı sanksiyaları Amerika şirkətlərinin müəyyən şəxslər və qurumlarla ticarət münasibətləri qurmasını qadağan edir.