Almaniyanın Ukraynaya potensial olaraq köçürə biləcəyi hava hücumundan müdafiə raketləri qalmayıb.

Axar.az xəbər verir ki, bunu Almaniyanın xarici işlər naziri Yohann Vadeful raketlərin tədarükündə yaranan fasilə ilə bağlı açıqlamasında deyib.

Onun sözlərinə görə, ölkə öz raket ehtiyatını tükəndirib.

"Qismən ona görə ki, bizdə heç nə qalmayıb. “Patriot” raketləri isə birbaşa ABŞ-dan konveyer xətti ilə gəlib. Açığı, oradakı konveyerdən çıxan hər şey avropalılar, əsasən Almaniya tərəfindən maliyyələşdirilən mexanizm vasitəsilə birbaşa Ukraynaya gedir. Digər Avropa ölkələri daha çox töhfə verə bilər", - Vadeful bildirib.

Qeyd edək ki, NATO baş katibinin müavini də Avropada Ukaynaya tədarük üçün HHM raketi qalmadığını bildirmişdi.