Biz imkanlarımız daxilində özümüzü müdafiə edəcəyik və demək istəyirəm ki, zamanın həlledici əhəmiyyəti yoxdur.

Axar.az xəbər verir ki, bunu İranın BMT-dəki Daimi Nümayəndəliyinin rəhbəri Məcid Taxt Ravançi deyib.

“Biz nəyin bahasına olursa-olsun, suverenliyimizin və xalqımızın müdafiəsi üçün lazım olan hər şeyi edəcəyik”, - Ravançi bildirib.

Qeyd edək ki, İsrail və ABŞ 28 fevraldan İrana qarşı hərbi əməliyyata başlayıb. Zərbələr nəticəsində İranın ali dini lideri Əli Xamenei başda olmaqla, onlarla yüksək səviyyəli məmur ölüb.

İran cavab olaraq ABŞ-ın bölgədəki hərbi bazalarına və İsrailə zərbələr endirir.