Rusiyanın “Rosatom” şirkəti Yaxın Şərqdəki müharibəyə baxmayaraq İranda qalacaq.

Axar.az xəbər verir ki, bu barədə şirkətin rəhbəri Aleksey Lixaçev məlumat yayıb.

“Şirkətimiz Buşehr nüvə stansiyasında daha iki blok tikmək barədə razılığa sadiqdir. İkinci və üçüncü blokların tikintisi korporasiyanın prioritetləri arasında qalır. Mütləq ayrılmağın vaxtı deyil. Yaxın Şərqdə baş verənlər qlobal mozaikanın yalnız bir hissəsidir.

Rusiya və İran arasında ikitərəfli razılaşma səkkizə qədər nüvə blokunun tikintisinə icazə verir, bunlardan dördü Buşehrdə olacaq”, - o bildirib.

Qeyd edək ki, Buşehrdə İranın yeganə nüvə elektrik stansiyasının ilk 1 giqavatlıq blokunu inşa edən “Rosatom” ABŞ və İsrailin 28 fevralda İrana qarşı hücumlara başlamasından sonra bəzi işçilərini təxliyə edib və yeni bloklarda tikinti işlərini dayandırıb.