Türkiyə özünə yönələn bütün təhdidləri dəf etməyə qadirdir və İran konfliktinə cəlb olunmamaq üçün lazımi tədbirləri görür.

Axar.az xəbər verir ki, bu barədə Türkiyə Prezidenti Rəcəb Tayyib Ərdoğan deyib.

“Dünən gecə baş verdiyi kimi, hava məkanımızın pozulması təhlükəsinə qarşı lazımi tədbirləri görürük. Əsas vəzifəmiz ölkəmizi bu odlu tələdən qorumaqdır”, - deyə Türkiyə lideri İrandan atılan raketin zərərsizləşdirilməsi olayını şərh edərkən bildirib.

Qeyd edək ki, bu gün İrandan atılan üçüncü raket Türkiyənin hava məkanında məhv edilib.

Bundan əvvəl də İran tərəfindən Türkiyə istiqamətində 4 və 9 martda 2 dəfə raket atılıb. Hər iki raket havada məhv edilib.