Tikintisinə azərbaycanlı iş adamı Telman İsmayılovun 1.4 milyard dollar xərclədiyi "Mardan Palas" otelinin işçiləri 4 gündür tətilə başlayıb.

Axar.az xəbər verir ki, tətilə səbəb otelin 800 işçisindən 160-nın may ayından bəri maaş ala bilməməsidir.

İnqilabçı Turizm İşçiləri Sindikatının baş direktoru Mustafa Yahyaoğlu otelin dolu olmasına baxmayaraq, işçilərin maaşlarının verilmədiyini deyib.

Onun sözlərinə görə, hazırda otel rəhbərliyi tətil edən işçilərin yerinə muzdluları işlədir.

Qeyd edək ki, açılışında Hollivud ulduzlarının da iştirak etdiyi "Mardan Palas" oteli "Xalq Bank"a satılmışdı. Otelin satış müqaviləsinin ləğvi ilə bağlı məhkəmə prosesi hələ də davam edir.