İslamabadda keçirilən danışıqlar zəif hazırlıq səbəbindən uğursuzluğa düçar olub.

Axar.az xəbər verir ki, bunu Almaniya kansleri Fridrix Merz deyib.

“İslamabadda danışıqların dayandırılması qərarı məni təəccübləndirmədi. Əvvəldən onların həqiqətən də yaxşı hazırlaşdıqları barədə təəssüratım yox idi. İrandakı müharibə öz ölkəmizdə də qarşılaşdığımız problemlərin əsl səbəbidir. İrandakı müharibənin nəticələrini, hətta bitdikdən sonra belə, uzun müddət hiss edəcəyik. Biz Almaniya iqtisadiyyatı və nəticədə fərdi ev təsərrüfatları üçün uzun müddət davam edəcək əhəmiyyətli bir gərginliyə hazırlaşırıq”, - o bildirib.

Qeyd edək ki, aprelin 11-də ABŞ və İran nümayəndələri arasında İslamabadda danışıqlar keçirilib və nəticəsiz başa çatıb.