Ukrayna Rusiyanın Avropa hissəsindəki bütün əsas neft emalı zavodlarına hücum edib.

Axar.az xəbər verir ki, bu barədə “Röyters” məlumat yayıb.

Məlumata görə, ildə 1 milyon tondan çox neft emalı gücünə malik 33 zavoddan ən azı 24-ü hücuma məruz qalıb:

“158 hücumun həyata keçirildiyi təxmin edilir. 10 milyon tondan çox tutuma malik 11 ən böyük neft emalı zavodundan 9-na hücum olunub. Uralın kənarında yerləşən yalnız iki böyük neft emalı zavodu - Omsk və Anqarsk hücumdan yayına bilib. Bəzi neft emalı zavodlarına 10-15 dəfə hücum edilib. Ötən gecə isə Ukrayna ordusu Yaroslavldakı neft emalı zavodunu hücuma məruz qoyub. Mayın 20-si gecəsi baş verən hücumdan sonra Nijeqorod neft emalı zavodu fəaliyyətini dayandırıb”.