12:18

İsveç Ukraynaya “JAS 39 Gripen” qırıcı təyyarələrinin müxtəlif modifikasiyalarının tədarükünə hazırlaşır.

Axar.az xəbər verir ki, bu barədə “Aftonbladet” qəzeti yazıb.

“İsveçin Baş naziri Ulf Kristersson cümə axşamı günü “JAS 39 Gripen C/D” təyyarəsinin təhvil verilməsini elan etmək niyyətindədir.

Eyni zamanda, daha müasir “JAS 39 Gripen E” təyyarəsinin AB krediti ilə Ukraynaya satışı ilə bağlı danışıqların başlaması gözlənilir”, - məlumatda qeyd olunub.

***

Ukrayna və İsveç müdafiə sahəsində əməkdaşlığın dərinləşdirilməsi haqqında bəyannamə imzalayıblar.

Bəyannamə İsveçdə səfərdə olan Ukrayna Prezidenti Vladimir Zelenski ilə İsveçin Baş naziri Ulf Kristersson arasında imzalanıb.

Məlumata görə, İsveç Ukraynaya 16 ədəd “Gripen C/D” qırıcısı təhvil verəcək və tədarüklər 2027-ci ilin əvvəlindən başlayacaq.

Bundan başqa, Kiyev daha 20 ədəd ən müasir “Gripen E” təyyarəsi alacaq. Bu təyyarələrin tədarükü 2030-cu ildə başlayacaq.

İsveç isə pilot təlimi və təyyarələrə texniki xidməti öz üzərinə götürəcək.