Bəzi dünya ölkələrinin son 15 il ərzində terrorizmi yayması dünyanı təhlükəli hala gətirib.

Axar.az xəbər verir ki, bunu BMT Baş Assambleyasında çıxışı zamanı İran Prezidenti Həsən Ruhani söyləyib. Onun sözlərinə görə, terrorizmin daha geniş yayılmasına bəzi ölkələrin hərbi işğalları və repressiyaları da şərait yaradıb. Ruhani həmçinin BMT-dən Səudiyyə Ərəbistanına da çağırış edib:

"Səudiyyə Ərəbistanı Yaxın Şərqdə ədalətsiz fəaliyyətlərinə son verməlidir. Əgər Ər-Riyad regional təhlükəsizlik və inkişaf istəyirsə, o zaman gərək öz qonşularını təhqir edən və nifrət ideologiyalarının yayılmasına səbəb olan siyasətinə son versin".