Ukrayna torpaqlarını ələ keçirməyə davam edən Rusiya ordusu hər kvadrat kilometrə görə gündə 200 itki verir.

Axar.az xəbər verir ki, bunu Ukrayna Təhlükəsizlik və Əməkdaşlıq Mərkəzinin icraçı direktoru Dmitri Jmaylo “Ukrayna radiosu”na müsahibəsində deyib.

"Orta hesabla işğalçı qüvvələr hər kvadrat kilometrə gündə təxminən 200 nəfər itirir", - deyə o bildirib.

Jmaylo qeyd edib ki, ruslar əslində bir və ya iki ərazidə - Kostantinovka və Donetsk vilayətinin digər ərazilərində irəliləyə bilərlər:

“Orada onlar sayca ukraynalılardan bir neçə dəfə çox olan qüvvə cəmləşdiriblər, cəbhənin digər ərazilərində isə təşəbbüsü itiriblər".