ABŞ kəşfiyyatı İranın artıq Hörmüz boğazını istədiyi kimi effektiv şəkildə bağlaya və qlobal iqtisadiyyata əhəmiyyətli təsir göstərə biləcəyi qənaətinə gəlib.

Axar.az xəbər verir ki, bunu CNN-in ABŞ kəşfiyyatının hesabatı ilə tanış olan mənbələrə istinadən verdiyi məlumatda deyilir.

"Biz boğazın nəzarətini İrana verdik - bu, istənilən nüvə bombasından daha güclü bir silahdır. ABŞ ilə müharibə İran rəhbərliyinin gələcəkdə oxşar tədbirlərdən istifadə etmək ehtimalı ilə bağlı fikirlərini kökündən dəyişdirdi. ABŞ kəşfiyyatına görə, İran hakimiyyəti həm boğazı bağlamaları, həm də Fars körfəzi ölkələrinə əhəmiyyətli resurslar xərcləmədən zərbə endirə bilmələri ilə ruhlanıb”, - deyə adı açıqlanmayan mənbə bildirib.

Vurğulanır ki, İranın Hörmüz boğazını bağlamaq qərarından bəri ABŞ kəşfiyyat orqanları Tehranın gələcəkdə eyni təsir vasitələrindən necə və hansı şəraitdə istifadə edə biləcəyini daim yenidən qiymətləndirir.

Onlar qeyd ediblər ki, belə bir vəziyyətin təkrarlanması ABŞ üçün son dərəcə ciddi çətinliklər yaradacaq, çünki nəhəng qüvvələrin iştirakı və cəmləşməsi olmadan boğazı açmaq mümkün deyil.