"Sənin xarakterinin nə cür xarab olduğunu öz ifadələrin ortaya qoyur. Sən mənim övladlarıma halal loxma yedirmədiyim halda, övladlarımla bağlı haramdan bəhs edirsən".

"Axar.az" Türkiyənin "Zaman" qəzetinə istinadən xəbər verir ki, bu sözləri Baş nazir Ərdoğan AKP-nin keçirdiyi mitinqdə CHP lideri Kamal Kılıçdaroğlunun iddialarına cavab verərkən çaşaraq deyib.

Qəzet yazır ki, daha əvvəl MHP lideri Dövlət Baxçalı və Fəthullah Gülənə uşaq sahibi olmadıqları üçün lağ edən Ərdoğan CHP liderini tənqid edərkən bu sözləri deyib.

Xatırladaq ki, "Zaman" qəzeti Fətullah Gülənə bağlı media qurumudur və Gülən-Ərdoğan qarşıdurmasında birincinin mövqeyini müdafiə etməklə, Baş nazirə qarşı hər fürsətdə anti-təbliğat aparır.