Avro-Atlantik bölgəsinə, Ukraynaya və NATO-nun cənub cinahına qarşı təhdidlər və çətinliklər alyansın 7-8 iyul tarixlərində Ankarada keçiriləcək zirvə toplantısının əsas mövzuları arasında olacaq.

Axar.az xəbər verir ki, bunu Türkiyə Prezident Administrasiyasının Kommunikasiya İdarəsinin rəhbəri Bürhanəddin Duran deyib.

“Hərtərəfli yanaşmanın bir hissəsi olaraq, sammitdə müdafiə büdcələrinin artırılması üçün atılan addımlar, eləcə də alyansın çəkindirmə və müdafiə səyləri qiymətləndiriləcək. Liderlər həmçinin Avro-Atlantik regionunun strateji kontekstdə üzləşdiyi təhdidlər, risklər və çətinliklər barədə fikir mübadiləsi aparacaqlar. Ukraynadakı vəziyyət və NATO-nun cənub cinahındakı son hadisələr müzakirə olunacaq”, - Duran bildirib.