Almaniyanın eks-kansleri Herhard Şröyder "Şimal axını – 2" qaz kəmərinin tikintisinin operatoru olan "Nord Strim 2" şirkətinin rəhbəri təyin olunub.

Axar.az xəbər verir ki, bu barədə informasiyanı "Taqesşpiqel" qəzeti yayıb.

Qeyd edək ki, Şröyder uzun illər "Nord Strim 2"nin səhmdarlar komitəsinin rəhbəri olub. O, Rusiya Prezidenti Vladimir Putinin yaxın dostu hesab edilir.

"Şimal axını 2" layihəsi reallaşarsa, Rusiya hər il bu kəmər vasitəsilə 55 milyard kub/metr qaz nəql edəcək. Bəzi Avropa ölkələri indidən bu layihəyə qarşı çıxır. Kəmərin əsas əleyhdarı isə Polşadır. Rəsmi Varşavanın fikrincə, bu layihə Avropa Birliyinin Rusiyadan asılılığını artıracaq.