Qazaxıstanın paytaxtı Astanada ilk dəfə aerotaksinin nümayiş uçuşu keçiriləcək.

Axar.az xəbər verir ki, bu barədə “Kazınform” məlumat yayıb.

Məlumata görə, uçuş iyulun 24-də baş tutacaq. Sınaq zamanı elektrik mühərrikli şaquli qalxma və enmə qabiliyyətinə malik “eVTOL” tipli hava nəqliyyat vasitəsindən istifadə olunacaq.

Nümayiş üçün seçilən “AutoFlight Prosperity” modeli bir pilot və beş sərnişin üçün nəzərdə tutulub. Hava aparatı saatda 200 kilometrədək sürət yığa və 200 kilometr məsafə qət edə bilir.

Qeyd edək ki, Qazaxıstanda ilk “eVTOL” nümayiş uçuşları 2026-cı ilin mayında Alatau şəhərində keçirilib. Ölkədə aerotaksi, eVTOL və pilotsuz aviasiyanın inkişafını tənzimləyən qanun isə iyunda qüvvəyə minib.