ABŞ İranın nüvə obyektlərində əməliyyat keçirmək üçün bir neçə min əsgər göndərməyi nəzərdən keçirir.

Axar.az xəbər verir ki, bu barədə “Nyu York Post” məlumat yayıb.

Bildirilib ki, əgər əmr verilərsə, ABŞ xüsusi təyinatlı qüvvələri İranın nüvə obyektlərindən zənginləşdirilmiş uranı ələ keçirmək üçün "hərb tarixinin ən mürəkkəb əməliyyatı"na başlamağa hazır olacaqlar.

Məlumata görə, yerüstü əməliyyata minlərlə əsgər cəlb edilə bilər.

Onlar nüvə obyektlərinə basqın edəcək və onları təhlükəsiz hala gətirəcəklər. Kiçik bir xüsusi əməliyyat qüvvəsi isə zənginləşdirilmiş uranı götürəcək.

Qeyd edək ki, iyulun ortalarında "Voll Strit Jurnal" qəzeti ABŞ Prezidenti Donald Trampın əsas müşavirləri ilə keçirdiyi bir sıra iclaslardan sonra İrana qarşı əməliyyatların gücləndirilməsinə meylləndiyini bildirmişdi.

Ötən gün isə ABŞ Prezidenti Donald Trampın İrana qarşı əməliyyatların dayandırılması barədə əmr verdiyi xəbəri yayılıb.