Suriya Demokratik Qüvvələri tezliklə tamamilə buraxılacağını və 10 ildən çoxdur nəzarətində saxladığı Suriya ərazilərindən qüvvələrinin çıxarılacağını elan edəcək.

Axar.az xəbər verir ki, bu barədə “Əl-Hədəs” telekanalı Suriya hökumətinə yaxın mənbəyə istinadla məlumat yayıb.

“Koalisiyanın yüksək vəzifəli nümayəndələrinin dövlət mediası tərəfindən də işıqlandırılacaq mətbuat konfransında Suriya Demokratik Qüvvələrinin buraxıldığını elan edəcəyi ehtimal olunur”, - mənbə bildirib.

Lakin mənbə vurğulayıb ki, son tarix Tel-Abyad və Ras əl-Ayn bölgələrinə köçkün düşmüş kürdlərin geri qaytarılması məsələsi həll olunana qədər təxirə salına bilər:

“Bu məsələ SDQ və yerli hakimiyyət orqanlarının əsas tələbi hesab olunur”.