44 yaşlı Rəşad Sultanov SEPAH üçün casusluq etməkdə şübhəli bilinərək, Kiprdə həbs edilib.

Axar.az xəbər verir ki, London polisi Böyük Britaniya və Azərbaycan vətəndaşlığına malik R.Sultanovun Britaniyanın Kiprdəki hərbi bazası haqda məlumatları SEPAH üçün topladığı şübhəsi ilə həbs olunduğunu açıqlayıb.

Britaniya polisinin iddiası ilə Kipr hüquq-mühafizə orqanları Sultanovu iyulun 17-də həbs edib. Hazırda onun ekstradisiyası üçün iş aparılır.

Polis iddia edir ki, Sultanov ötən ilin aprel və iyul ayları arasında Akrotiridəki Kral Hərbi Hava Qüvvələri bazasını gizli şəkildə müşahidə edib və əldə etdiyi məlumatları SEPAH-a ötürüb.