Almaniyada uçan naməlum obyektlərlə (UNO) bağlı xəbərlərdə rekord artım müşahidə olunub.

Axar.az xəbər verir ki, bunu Qeyri-adi Səma Hadisələri üzrə Mərkəzi Araşdırma Şəbəkəsinin direktoru Hansyurgen Keler deyib.

“Gündə üç-altı məlumat alırıq. Mübaliğəsiz deyə bilərik ki, UNO-lar barədə məlumat alan ən işlək xidmətik”, - Keler bildirib.

Onun sözlərinə görə, şəbəkə tərəfindən Almaniya ilə bağlı araşdırılan UNO hallarının ümumi sayı 14 minə çatıb:

“Əksər hallarda sakinlər Yer kürəsindəki avadanlıqları və ya təbii hadisələri yadplanetli kosmik gəmilərlə səhv salırlar. Ən çox panika mənbələri təyyarələr, peyklər, meteorlar və kommersiya əyləncə proqramlarındakı lazer şüalarıdır”.