Ana səhifə Planet |
İraq və Suriyadan İŞİD terror təşkilatını tamamilə təmizləməliyik. Bunun üçün də ortaq iradə lazımdır. Yaxın günlərdə müzakirə etməyə davam edəcəyik. Mosul və Rakka əməliyyatı gündəmdədir.
Axar.az xəbər verir ki, bu sözləri Türkiyə Xarici İşlər naziri Mövlud Çavuşoğlu bildirib.
"Mosulun 90 faizi sünni ərəblərdən ibarətdir. Biz məzhəbçiliyin əleyhinəyik, ancaq təəssüf ki, həm Suriya, həm də İraqdakı rəhbərlər istər ölkə daxilində, istərsə də xaricdə məzhəbçilik anlayışı ilə hərəkət edirlər. İraqa məzhəbçiliyi biz gətirməmişik, Maliki rəhbərliyi gətirdi. Biz vaxtilə amerikalı dostlarımıza da dedik. Təəssüf ki, tablo ortadadır.
Biz Türkiyə olaraq bütün əməliyyatlara hər cür töhfə verəcəyik, ancaq bunu da bilirik ki, İraq və Suriyada hər bir vəziyyət Türkiyəyə təsir edir. Bu gün İraqdakı mövcud vəziyyətə görə Türkiyə PKK və İŞİD terror təşkilatının hədəfi olur. Təhlükəsizliyimizi təhdid edəcək hər cür duruma qarşı beynəlxalq hüquqdan qaynaqlanan haqlarımızı sonuna qədər istifadə edəcəyik", - Çavuşoğlu söyləyib.
Tarix
2016.10.16 / 23:17
|
Müəllif
Pərviz Həsənov
|