Türkiyədə keçmiş MİT əməkdaşı Kaşif Kozinoğlunun ölümü ilə bağlı aparılan istintaq çərçivəsində daha bir nəfər saxlanılıb.

Axar.az xəbər verir ki, bu barədə Türkiyə mətbuatında məlumat yayılıb.

Məlumata görə, Kaşif Kozinoğlunun 2011-ci ildə həbsxanadakı şübhəli ölümü ilə bağlı aparılan araşdırmada yeni bir məqam ortaya çıxıb. "Qurdlar Vadisi" serialının ssenarisinin yazılmasında iştirakı müəyyən edilən keçmiş polis rəsmisi Bayram Özbək "silahlı terror təşkilatı yaratmaq və ya ona rəhbərlik etmək" və "qəsdən adam öldürməyə təhrik etmək" ittihamları ilə həbs olunub.

Özbək hazırda həmçinin FETÖ ilə bağlı istintaq çərçivəsində həbsdə saxlanılır.