ABŞ Prezidenti Donald Tramp Fransada məktəblilərin kütləvi etirazlarını miqrasiya və islamla əlaqələndirərək, ölkədə baş verənlərin təhsil sisteminin vəziyyəti ilə bağlı olmadığını bildirib.

Axar.az xəbər verir ki, Tramp "Truth Social" şəbəkəsində yazıb.

"Fransada baş verənlər nəzarətdən çıxan kütləvi miqrasiyadan başqa bir şey deyil. Söhbət məktəblərdən getmir, söhbət İslamın bir vaxtlar böyük olan ölkəni ələ keçirmək istəyindən gedir", - deyə Ağ Ev rəhbəri bildirib.

Qeyd edək ki, orta məktəb şagirdlərinin etirazları sentyabrın sonlarında İl-de-Frans bölgəsində başlayıb və bütün Fransaya yayılıb. İştirakçılar həddindən artıq çox dərs yükünə, müəllim çatışmazlığına və təhsil sistemindəki digər problemlərə etiraz edirlər. Bəzi yerlərdə etirazlar iğtişaşlara və polislə toqquşmalara çevrilib. Hüquq-mühafizə orqanları indiyədək beş mindən çox şəxsi həbs edib ki, bunların 90%-i yetkinlik yaşına çatmayanlardır.