Moskva və MAGA Avropaya qarşı narrativlər yayır.

Axar.az xəbər verir ki, bunu Fransa xarici işlər naziri Jan-Noel Barro deyib.

“Moskvada deyilənlərə qulaq asın: “Avropa müharibəyə doğru gedir və mənəvi dəyərlərini itirir”. Atlantikin o tayında, MAGA çevrələrində deyilənlərə də qulaq asın: “Avropa geriləmiş, geri qalmış və totalitar sivilizasiyadır”. Reallıq isə fərqlidir və bunu hər birimiz bilirik. Buna baxmayaraq, bu narrativlərin davamlı təkrarlanması, gücləndirilməsi və yayılması sonda bizə də təsir edə, şüurlarımızda şübhələr yarada bilər”, - o bildirib.

Qeyd edək ki, MAGA - “Amerikanı Yenidən Böyük Edək” mənasını verir. Ronald Reyqanın prezidentlik kampaniyasında istifadə edilən şüardır, ABŞ Prezidenti Donald Tramp tərəfdarlarının siyasi hərəkatına çevrilib.