Ana səhifə Planet |
Özbəkistanın keçmiş prezidenti İslam Kərimovun qızı Gülnarə Kərimovanın ölüm xəbərinin yayılması ilə sosial şəbəkədə ona məxsus profildən paylaşımların sayı artıb.
Axar.az xəbər verir ki, "Gülnarəni göstərin" kampaniyasına cavab olaraq yayılan son fotolar isə sosial şəbəkə istifadəçilərinin səbrini daşırıb. Belə ki, Gülnarə Kərimovanın rəsmi Tvitter hesabından yayılan yeni fotoların hamısının, əslində, 2013-cü ilin fevralı ilə 2014-cü il arası lentə alındığı, hətta elə Gülnarə Kərimovanın özü tərəfindən vaxtilə sosial şəbəkələrdə paylaşıldığı aşkara çıxıb.
Yayılan son fotoda isə Gülnarənin əlində olan telefonun ekranının görüntüsü fotomontaj köməkliyi ilə dəyişdirilib. Bu isə haqlı narazılıq doğurub və kəskin tənqidlərə tuş gəlib.
Xatırladaq ki, G.Kərimovanın noyabrın 5-də zəhərlənərək öldürüldüyü, hətta Daşkənddəki Minor qəbiristanlığında dəfn edildiyi bildirilir. İddialarla bağlı rəsmi məlumat verilməyib.
Tarix
2016.11.22 / 17:20
|
Müəllif
Rəfiqə Əlisəfa
|