Tacikistan Daxili İşlər Nazirliyi OMON-un eks-komandiri Gülmurad Xalimovu axtarışa verib.

Axar.az xəbər verir ki, bu barədə informasiyanı “Asia-Plas” portalı öz etibarlı mənbələrinə istinadən yayıb.

Qeyd edək ki, Xalimov 2015-ci ildə qəflətən yoxa çıxıb. Sonradan onun Suriyada İŞİD terror təşkilatının sıralarında fəaliyyət göstərdiyi məlum olub. Xalimov belə addım atmağına Tacikistan Daxili İşlər Nazirliyinin fəaliyyətini səbəb göstərib. Müəyyən müddət sonra Xalimovun İŞİD-in hərbi rəisi olduğu üzə çıxıb. ABŞ bu şəxsin yeri haqqında məlumat verəcək şəxsə 3 milyon dollar miqdarında mükafat təyin edib.