Rusiyanın qızıl əsrinin başlanması üçün birbaşa Böyük Britaniya tutulmalıdır.

Axar.az xəbər verir ki, bunu Çarqrad TV-də çıxışı zamanı Donetsk separatçılarının lideri Aleksandr Zaxarçenko söyləyib. Separatçı lider Rusiyanın bütün bəlalarına Britaniyanın səbəb olduğunu bildirib:

“Biz nə Kiyevi, nə də Berlini tutmalıyıq. Bütün bunlardan keçib, birbaşa Britaniyanı tutmaq lazımdır. Bizim rus taleyimizin bütün bədbəxtliyi anqlosakslardır. Əgər Britaniyanı tutsaq, o zaman Rusiyanın qızıl dövrü gələcək. Biz Rusiya imperiyasının itirdiyi ərazilərə nəzarəti geri qaytaracağıq və üstəlik, Krım müharibəsi başlayana qədər bizə verilməli olanları əldə edəcəyik”.

Qeyd edək ki, Donetsk Ukrayna ərazisidir. 2014-cü ildə Moskvanın aktiv dəstəyi ilə buradakı separatçılar Kiyevin mərkəzi idarəçiliyindən imtina ediblər.