Ana səhifə Planet |
Türkiyə Prezidenti Rəcəb Tayyib Ərdoğan parlament sədrinin müavini Ayşənur Baxçaqapılının Almaniyada polis tərəfindən saxlanılmasına münasibət bildirib.
Axar.az xəbər verir ki, 31-ci Muxtarlar toplantısında danışan prezident Türkiyənin lazımi cavab verəcəyini deyib:
“Parlament sədrinin müavinlərindən Ayşənur xanım Almaniyaya səfər edib. Çantasını oğurlayırlar, içində də pasportu olub. Gedib səfirlikdən müvəqqəti pasport alıb. Və hava limanında saatlarla saxlanılıb.
Sən terrorçunu ölkəndə qonaq kimi saxlayırsan. Amma bu ölkənin parlament sədrinin müavinini qapıda saatlarla gözlədirsən. İndi bunlara eynisini etmək lazımdır, ya yox? Bundan sonra da Ərdoğan diktator olur? Sən mənim parament sədrimin müavininə bu cür bir səhvi etsən, mən də cavab verməliyəm. Terrorçuları göndərsinlər, ya göndərməsinlər, biz də öz taktikamızla cavab verəcəyik. Yadelli biri minlərlə kilometr uzaqdan gəlib əməliyyat keçirir, bizə “yerinizdən tərpənməyin”, deyirlər. Bizə bunları çox görənlərə buraları dar edərik”.
Xatırladaq ki, Ayşənur Baxçaqapılı Almaniyada xoşagəlməz rəftarla qarşılaşıb. Xanımın içində pul, kredit kartı, pasport və şəxsiyyət vəsiqəsi olan çantası oteldə oğurlanıb. Hava limanında isə alman polisi xanım siyasətçi ilə kobud rəftar edərək onu polis bölməsinə aparıb.
Tarix
2016.12.07 / 16:22
|
Müəllif
Hacı Qulu
|