Ana səhifə Planet |
FETÖ-nun 15 iyul dövlət çevrilişini araşdıran Parlament Araşdırma Komissiyasının üzvü, AKP sədrinin müavini Səlcuq Özdağ Fətullah Gülənlə bağlı sensasiyalı məlumat paylaşıb.
Axar.az xəbər verir ki, millət vəkili FETÖ liderinin 1976-1977-cı illərdə ruhi dispanserdə müalicə aldığını deyib:
“Gülənin həyatı müəmmalarla doludur. O, 1976-1977-cı illərdə Manisada ruhi dispanserdə müalicə alıb. Bununla bağlı Manisa Ruh və Əsəb Xəstəlikləri xəstəxanasından sənədləri tələb etdik. Lakin bu sənədlərin yoxa çıxdığı məlum oldu.
1999-cu ildə mərhum Bülənt Əcəvit ona “Hörmətli xocam, səhhətiniz üçün ABŞ-a getməyiniz lazımdır”, - deyə məsləhət verib. Bundan dərhal sonra Gülən Hacəttəpə Universiteti Tibb fakultəsindən səhhəti ilə bağlı arayış aldı. Bu sənədi də xəstəxanadan istədik. O dövrə xəstəxananın baş həkimi olmuş Murad Tuncərə sorğu göndərdik. Ancaq yenə də məlumat əldə edə bilmədik. Sənədlərin yoxa çıxdığını dedilər.
Gülən martın 21-də ABŞ-a gedib. Türk Hava Yollarına (THY) məxsus təyyarənin 25 yerini satın alıb. Ancaq pilot 3 nəfərin səfər etdiyini görüb. Bunlardan biri Gülən, digər iki nəfər isə köməkçisi olub.
Gülənin səfəri ilə bağlı THY-dən sənəd tələb etdik. Ancaq bu sənədlərin də itdiyini dedilər.
Biz də sözügedən sənədlərin tapılması üçün Daxili İşlər Nazirliyinə müraciət etdik”.
Tarix
2016.12.29 / 14:48
|
Müəllif
Hacı Qulu
|