Ölkəmizin heç bir küçəsi yəhudiləri və israilliləri öldürən Yasir Ərəfatın adını daşımayacaq.

Axar.az xəbər verir ki, bu sözləri İsrail Baş naziri Benyamin Netanyahu deyib.

“Biz İsrail dövlətində Yasir Ərəfatın, Hacı Əminə əl-Hüseynin, yaxud digərlərinin adlarının küçələrə verməsinə icazə verə bilmərik. Bununla bağlı tədbirlər görəcəyik. Hətta yeri gələrsə, qanun da qəbul edəcəyik”, - Netanyahu bildirib.

İsrailin Kanal-10 teeviziyasında yayımlanan sühetdə israilin mərkəzində yerləşən ərəblər yaşayan Catda Ərəfat adına küçə olduğu bildirilib.

Qeyd edək ki, 1993-cü ildə Vaşinqtonda, Ağ Evdə İsraillə sülh sazişi imzalayan Ərəfat 1999-cu ildə Fələstinin rəhbəri seçilib. Fələstin-İsrail münasibətləri tarixində ilk dəfə Ağ Evin qarşısındakı çəməndə Ərəfat və İsrail Baş naziri İshaq Rabin əl-ələ verərək görüşdülər. Bir il sonra - 1994-cü il mayın 4-də Ərəfat Qahirədə İsraillə işğal edilmiş ərazilərə - Qəzza və Eerixona muxtariyyət verilməsi barədə anlaşma imzaladı. 1994-cü ildə isə İsraillə sülh sazişi imzaladığı üçün Ərəfata Nobel Sülh mükafatı verildi.