Rusların 60 faizi Mavzoleydə saxlanılan Vladimir Leninin dəfn olunmasını istəyir.

Axar.az xəbər verir ki, bu barədə Ümumrusiya İctimai Fikirlərin Araşdırılması Mərkəzinin apardığı rəy sorğusunda bildirilib.

“Sorğunun nəticələrinə əsasən, rəyi soruşulanların əksəriyyəti Leninin dəfn olunmasını istəyib. Əksəriyyət bunun təcili, bəziləri isə tədricən edilməsinin tərəfdarıdır. Rəyi soruşulanların bəzisi isə qeyri-müəyyən müddətə qədər gözləməyi lazım bilib. Hələlik Leninin kimin üçün daha çox qiymətli olduğu məlum deyil”, - mərkəzin məlumatında qeyd edilir.

Sorğuda iştirak edənlərin üçdə biri isə Lenini necə varsa, elə saxlamağın tərəfdarıdır.

Qeyd edək ki, Rusiya Dövlət Dumasına Vladimir Leninin dəfn olunması ilə bağlı qanun layihəsi təqdim olunmuşdu. Rusiya Kommunist Partiyasının lideri Gennadi Züqanov bu layihəni Rusiya dövləti əleyhinə təxribat kimi dəyərləndirmişdi.