NATO Rusiyanın artan hərbi qüdrətini özü üçün potensial təhlükə olaraq görür.

Axar.az xəbər verir ki, bunu “Politiko”ya müsahibəsində NATO-nun Hərbi Komitəsinin rəhbəri general Pyotr Pavel söyləyib.

“NATO birmənalı olaraq Rusiyanın Polşa və Baltikyanı ölkələr üçün ciddi təhlükə mənbəyi olduğunu düşünür. 2016-cı ilin iyununda Varşavada keçirilən sammitdə şərq cəbhəsinin gücləndirilməsini qərara alan alyans, Litva, Latviya, Estoniya və Polşaya beynəlxalq qüvvələr yerləşdirmək istəyir. Onların formalaşdırılmasını Böyük Britaniya, Almaniya, Kanada və ABŞ öz üzərlərinə götürüblər”, - deyə general bildirib.

Rusiya Xarici İşlər naziri Sergey Lavrov isə ölkəsinin heç bir alyans üzvünə hücum etməyəcəyinin yaxşı bilindiyini, Qərbin bu fikirləri Rusiya sərhədinə daha çox qoşun yerləşdirmək üçün səsləndirdiyini deyib.