Misirdə cinsi təcavüz cinayət sayılacaq.

Axar.az xəbər verir ki, Misirdə ötən həftə prezident seçilən Əbdülfəttah Sisi Misir qadınları üçün son dərəcə əhəmiyyətli bir qanun imzalayıb. Yeni qanuna əsasən qadınlara qarşı cinsi zorakılıq əməli cinayətlər sırasına daxil olub.

Bundan sonra hansısa qadına cinsi təcavüz tətbiq edən kişini 6 aydan 5 ilə qədər, bu hal təkrar olunduqda isə cinayətkarı bu müddətin iki qatı qədərində həbs cəzası gözləyir.

Qeyd edək ki, bu günə qədər Misirdə cinsi təcavüzə görə hər hansı qanun maddəsi nəzərdə tutulmayıb və BMT-in apardığı araşdırma nəticəsində ölkədə 10 qadından doqquzunun cinsi təcavüzə məruz qaldığı məlum olub.