Ana səhifə Planet |
Bizdən söz bir dəfə çıxar və iş bitər. Ruslarla anlaşdığımız üçün də o iş artıq bitmişdir.
Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan Rusiyadan S-400 alınacağı halda ABŞ-dan hər hansı bir sanksiya təhdidinin olması ilə bağlı suala cavabında deyib.
“NATO üzvü Yunanıstan da Rusiyadan S-300 alıb, bu zaman hər hansı bir sanksiya tətbiq edildi? Qaldı ki, ölkəmizin təhlükəsizliyi ilə bağlı məsələlərdə kimdən nə alacağımızı başqalarından soruşacaq deyilik. Strateji ortaqlarımızdan, eyni ittifaqda yer aldığımız ölkələrdən müttəfiqliyin şərtlərini yerinə yetirmələrini gözləyirik. Məsələn, müttəfiqimiz olan bir ölkənin terror qruplaşmasına silah verməsini, həm də bunu pulsuz təmin etməsini müsbət qarşılamağımız mümkün deyil”, - Ərdoğan bildirib.
Qeyd edək ki, Türkiyənin Rusiyadan S-400 zenit raket kompleksləri alması ilə bağlı ABŞ, NATO rəsmiləri dəfələrlə narahatlıqlarını ifadə edib.
Tarix
2018.03.03 / 11:32
|
Müəllif
Orxan Tağıyev
|