Meksika qeyri-qanuni miqrant axını ilə bağlı problemi həll etməsə, Şimali Amerika Azad Ticarət Assosiasiyasından (NAFTA) imtina etməlidir.

Axar.az RİA-ya istinadən xəbər verir ki, bunu ABŞ Prezidenti Donald Tramp Tvitter hesabında yazıb.

“Meksika çox az işlər görür. Meksika cənub sərhədindən keçən və oradan da ABŞ-a gedən insanların dayandırılması üçün heç nə etmir. Onlar bizim immiqrasiya qanunlarına gülürlər. Onlar narkotik və miqrant axınını dayandırmalıdır. Divara ehtiyac var!” - deyə Ağ Ev rəhbəri bildirib.

Qeyd edək ki, Tramp ABŞ və Meksika sərhədinə divar çəkilməsi üçün qonşu ölkəyə təzyiq edir.