"Ukrayna Prezidenti Pyotr Poroşenkonun Gömrük İttifaqı ölkələrinin prezidentləri ilə avqustun sonunda görüşmək ehtimalı var".

Axar.az xəbər verir ki, bu barədə Qazaxıstan prezidentinin mətbuat katibi prezidentlər Vladimir Putinlə Nursultan Nazarbayevin telefon danışığına əsasən məlumat verib.

O, keçiriləcək görüşün Belarus Prezidenti Aleksandr Lukaşenko tərəfindən təklif edildiyini bildirib:

"Telefon danışığında Ukraynanın cənub-şərqində olan vəziyyət haqqında fikir mübadiləsi aparılıb. Belarus Prezidenti Aleksandr Lukaşenkonun təklifinə əsasən, Gömrük İttifaqı üzvlərinin dövlət başçılarının və Ukrayna prezidentinin avqustun üçüncü həftəsində görüşünün keçirilməsinin mümkünlüyü təsdiq edilib".