"Ukraynadakı böhranı həll etmək olar və Ukraynadakı hadisəni İraqdakı sadə vətəndaşların fundamentalistlərlə qarşı-qarşıya olduğu İraq münaqişəsi ilə müqayisə etməyin mənası yoxdur".

Axar.az xəbər verir ki, bu açıqlama ilə Almaniya Xarici İşlər naziri Frank-Valter Ştaynmayer çıxış edib.

O, Ukrayna hadisələrinin həllini Rusiya ilə Ukrayna dövlət başçılarının görüşməsində görmədiyini bildirib:

"İraqda baş verən hadisələr Ukrayna ilə müqayisədə tamam fərqlidir. Bu səbəbdən də Berlin İraqa hərbi yardımla kömək edə bilər. Lakin Ukraynaya bu məsələdə yardım etməkdən boyun qaçırır. Düşünürəm ki, Ukrayna və Rusiya Federasiyasının dövlət başçılarının planlaşdırılmış görüşü hələ konfliktin həll edilməsi demək deyil, lakin bu yolda atılan ciddi addımdır".