Tarixin müxtəlif dövrlərində iki milləti - türkləri və boşnakları dinindən, kimliyindən ayırmaq istəyiblər.

Axar.az xəbər verir ki, bu sözləri Bosniya və Herseqovina Prezidenti Bakir İzzətbəyoviç Avropalı Türk Demokratlar Birliyinin ümumi iclasında çıxışı zamanı deyib.

“Həmin dönəmlərdə bizim Aliya İzzətbəyoviçimiz var idi və Allahın yardımı ilə yıxılmadıq. Bu gün Türkiyə həm daxildə, həm də beynəlxalq aləmdə bir çox çətinliklə mübarizə aparır. Eyni zamanda, milyonlarla qaçqına sahib çıxır və hər şeyə rəğmən inkişaf edir. Türklər Allahın onlara göndərdiyi bir şəxsə sahibdirlər. Həmin şəxs Rəcəb Tayyib Ərdoğandır. Ona kömək edin, onu dəstəkləyin. Ey avropalı türklər, liderinizə dəstək olmalısınız”, - Bakir İzzətbəyoviç bildirib.