Ana səhifə Planet |
Bu gün Avropada milyonlarla gənc iş tapmaqda çətinlik çəkir.
Axar.az xəbər verir ki, bu barədə Avropa Parlamentinin Araşdırma Mərkəzinin açıqlamasında deyilib.
Məlumata görə, işsizlik göstəricisinə görə Avropanın lideri Yunanıstan olub. Bu ölkədə 25 yaşa qədər gənclərin 43 faizi işsizdir. Bu göstərici İspaniyada 36 faiz, İtaliyada isə 31.5 faizə bərabər olub.
Sənəddə işsizlik göstəricisinin digər yaş qrupları ilə müqayisədə 25 yaşa qədər gənclər arasında daha yüksək olduğu qeyd olunub.
Ekspertlər işsizlik göstəricilərinə görə Avropa ölkələri arasında kəskin fərqlərin də olduğunu vurğulayır. Belə ki, Almaniyada gənclər arasında işsizlik göstəricisi 6.6 faiz, Çexiyada cəmi 5.8 faizə bərabər olub.
Avropada gənclərlə bağlanan müqavilələrin 43 faizi müvəqqəti əmək müqavilələridir ki, bu da onları risk siyahısına daxil edir.
Tarix
2018.05.21 / 02:10
|
Müəllif
Orxan Tağıyev
|