Donetsk, Qorlovka, Makeyevka və Yenakiyevin şimal-qərb ətrafları atəşə tutulub. Luqansk vilyətində yaşayış məskənlərinin yaxınlığında silahlı toqquşmalar olub.

Axar.az RİA Novostiyə istinadən xəbər verir ki, Ukrayna ordusu Donetsk vilayətinin bir neçə şəhərini, o cümlədən vilayət mərkəzinin şimal ətraflarını, eləcə də Qorlovka və Makeyevkanı artilleriya atəşinə tutub.

Qondarma Donetsk Xalq Respublikası Baş qərargahından bildiriblər ki, Ukrayna hərbçiləri yaşayış məskənlərinə və infrastruktura obyektlərinə, eləcə də Beynəlxalq hava limanı istiqmətində yaylım atəşlərinin reaktiv sistemindən istifadə edərək tək-tək artilleriya zərbələri endirib.

Mənbənin məlumatına görə, gecə döyüşləri zamanı ukraynalıların 16 zirehli döyüş maşını, 28 avtomobili məhv edilib, 70 nəfər yaralanıb və öldürülənlər olub.