Da Vinçinin "Mona Liza"sı hərraca çıxarıla bilər.

Axar.az rus mediasına istinadən xəbər verir ki, Fransa astronomik həddə çatan - 2 trilyon manatdan çox olan dövlət borclarını ödəmək üçün Luvrun ən möhtəşəm əsəri ilə vidalaşmağa hazırlaşır.

Xatırladaq ki, "Mona Liza" ("Cakonda"; it. La Gioconda, fr. La Joconde, şəklin tam adı — "Xanım Liza Cakondanın portreti", it. Ritratto di Monna Lisa del Giocondo) Parisdə Luvrda saxlanılır, dünyada ən məşhur və mükəmməl rəsm əsərlərindən biri sayılır.

Leonardo da Vinçinin çəkdiyi bu rəsm əsərində əks edilmiş "sirli təbəssüm" bu gün də mütəxəssisləri və sənətsevərləri valeh edir, təsviri sənət möcüzəsi hesab olunur. Rəssam tablonu 1503-cü ildə çəkməyə başlayıb və bir neçə ildən sonra tamamlayıb.