İraqın paytaxtı Bağdad şəhərində terror aksiyaları baş verib.

Axar.az "Anadolu Agentliyi"nə istinadən xəbər verir ki, şəhərin bir neçə istiqamətində baş verən partlayışlar zamanı 14 nəfər həlak olub, 45 nəfər yaralanıb.

Təhlükəsizlik qaynaqlarının verdiyi məlumata görə, Bağdadın şərqindəki əl-Qadir bölgəsində avtomobilin partlaması nəticəsində 4 adam ölüb, 12 adam yaralanıb.

Şəhərin əl-Alləvi bölgəsində avtoparka təşkil edilən başqa bir terror aksiyası nəticəsində də 2 nəfərin öldüyü, 6 nəfərin yaralandığı qeyd edilib.

Xərc bazarında motosikletə qoyulan bombanın partlaması nəticəsində isə 3 nəfərin öldüyü, 9 nəfərin yaraladığı bildirilib. Bağdadın şərqindəki əz-Zəfəraniyyə və əl-Kəradə bölgəsində 5 nəfər ölüb, 18 nəfər yaralanıb.