Cənubi Kiprin sabiq prezidentlərindən olan Yorqas Vasiliu bütün Avropanı şoka salacaq etiraflar edib.

Axar.az xəbər verir ki, 1998-2003-cü illərdə ölkə prezidenti olan Vasiliu kiprlilərin rədd etdiyi "Annan planı" ilə bağlı bəzi müəmmalı detallara aydınlıq gətirib.

Sabiq prezident bütün dünyaya necə yalan söylədiklərini etiraf edib:

"Biz guya "Annan planı"nı dəstəklədiyimizi göstərərək Avropa Birliyinə üzvlük məsələsini həll etdik. Adadakı Akel Partiyasını da iqtidardan devirməklə təhdid etdik, ancaq hakimiyyətdə saxladıq".

Vasiliu bütün çətinliklərə baxmayaraq, AB üzvü olduqlarını bildirib:

"1999-cu ildə Helsinkdə Türkiyənin etirazlarına baxmayaraq, Kipr problemi ilə kiprli yunanların AB-yə üzvlüyünü bir-birindən ayrı saxladıq və bunu da həll etdik. AB üzvlüyünü Kipr problemi həll edilmədən əldə etməyi bacardıq, çünki BMT-nin sabiq Baş katibi Kofi Annanın hazırladığı Kipr planını qəbul etdiyimiz zəmanətini vermişdik".